Առաջին անգամ հրատարակվել է հայ ձեռնարկատիրական և առաջնորդական հմտությունների զարգացմանը նվիրված «Հայ գործարարների 100 և 5 բիզնես պատմություններ» գիրքը։
Գիրքը հիմնված է իրական պատմությունների վրա և ներկայացնում է Հայաստանի տնտեսության տարբեր ոլորտներում հաջողության հասած գործարարների փորձը՝ ընդգրկելով նրանց անցած ուղին, բախված մարտահրավերները, ձախողումներն ու ձեռքբերումները։
Հրատարակությունում ընդգրկված է նաև Aspectus փաստաբանական ընկերությունը։ Ընկերության հիմնադիր-տնօրեն Ալբերտ Արզումանյանը կիսվում է կազմակերպության ձևավորման, զարգացման ճանապարհի, ինչպես նաև հաղթահարված դժվարությունների մասին իր փորձով։ Չնայած հանդիպած խոչընդոտներին՝ ընկերությունը շարունակել է կայուն աճ արձանագրել, ինչի վկայությունն է հաճախորդների աճող վստահությունն ու թվաքանակը։
Գիրքը հրատարակվել է երկու լեզվով՝ հայերեն և անգլերեն՝ ապահովելով ավելի լայն հասանելիություն։
Այս հրատարակությունը հնարավորություն է ընձեռում ծանոթանալու հաջողակ գործարարների իրական փորձին, քաղելու արժեքավոր դասեր և ձևավորելու սեփական զարգացման ուղին՝ հիմնվելով գործնական գիտելիքների վրա։